Ibaizabalen ingurunea ezagutzeko hitzaldiak

Ekitaldiak

Milioi bat pertsona inguru bizi dira Ibaizabal itsasadarraren bazterretan edo handik hurbil dauden herrietan. Itsasadarraren ingurua mugimendu handikoa da, besteak beste, ibaiertz batetik bestera. Hala ere, oso gutxi dakigu itsasadarrari buruz, nahiz eta azken mende erdian izugarrizko ezagutza pilatu den arren.

Ibaizabal ibaiaren inguruak aldaketa eta eraldaketa ugari izan ditu urteetan zehar. Azken urteotako lanari esker eta hainbat esparruko programen garapenei esker berreskuratu da itsasadarreko ingurumena. Aldaketa hauek eta eremua ezagutzera emateko ere, Euskal Herriko Unibertsitateak hitzaldi-ziklo bat antolatu du. Hitzaldiak urriaren 14an eta 20an izango dira Bilboko Bizkaia Aretoan, eta hauetan itsasadarreko urak, azpikoak zein azalekoak, eta ibaiaren bi ertzetan begi-bistan ditugun ezaugarriak ezagutzera emango dira.

Egitaraua:

Urriaren 14 – 19:00: «La ría como reflejo de la actividad industrial»

Jon Ruigomezek, Itsamuseum Bilbaoko zuzendariak eta Jaio de la Puerta Rueda historialariak, itsasadarraren industria-garapenari eta horrek gure inguruan izan duen eraginari buruzko hitzaldia emango dute.

Urriaren 20 – 19:00: “Geología y minería en la ría del Nervión”

Lydia Rodriguez Méndezek eta Pedro Pablo Gil Crespok, UPV/EHUko Zientzia eta Teknologia Fakultateko Geologia Saileko ikertzaile eta irakasleek, Bilboko testuinguru geologikoa eta honek inguruko meatzaritzan izan duen eragina azalduko dute.

Hitzaldia zuzenean eta streamingez:

Hitzaldiak Bizkaia Aretoko Baroja gelan izango dira, 19:00etan hasita. Hitzaldietarako sarrera librea da eta ez da aldez aurretik erreserbarik egin beharko, tokiak bete arte gaituko da sarrera. Bertaratzerik ez duenak streaming bidez jarraitu ahal izango ditu hitzaldiak EiTBko Kosmos kanalaren bidez.

Ibaizabalen ingurunea ezagutzeko hitzaldiak

Hasiera data
Amaiera data
Ordutegia
19:00etatik 20:30etara
Tokia
Bizkaia Aretoa
Helbidea
Abandoibarra, 3, Bilbo
Informazio gehiago

Utzi erantzuna

Zure e-posta helbidea ez da argitaratuko. Beharrezko eremuak * markatuta daude