Mapping Ignorance blogean hainbat artikulu interesgarri argitaratu dira. Hona hemen asteon plazaratu diren artikuluen laburpena.
Udan gorputzaren aurkako hainbat eraso egiten ditugu. Azal zuriko gizonezkoak dira gehien galduko dutenak eguzkitan esposizio luzeak eginez gero. Bárbara Hernando eta Conrado Martínez-Cadenas ematen digute azalpena Hey, white man! Just take care of your skin! artikuluan.
Zenbateko indarra behar da molekula bakarrarekin osatutako interruptore bat aktibatzeko? Garrantzirik gabeko galdera bat dela dirudi baina nanoteknologian oinarrizko gai zientifikoa da. DIPCko ikertzaileek erantzun bat eman diote galderari: How to push a single-molecule switch.
Mapping Ignorance bloga lanean diharduten ikertzaileek eta hainbat arlotako profesionalek lantzen dute. Zientziaren edozein arlotako ikerketen azken emaitzen berri ematen duen gunea da. UPV/EHUko Kultura Zientifikoko Katedraren eta Nazioarteko Bikaintasun Campusaren ekimena da eta bertan parte hartu nahi izanez gero, idatzi iezaguzu.