Poincaréren aierua

2.000 urtean, Clay Mathematics Institute erakundeak Milurtekoko Zazpi Problemak aurkeztu zituen: ebazteke zeuden matematikako erronka handienak, eta bakoitza ebazten zuenari milioi bat dolarreko saria eskaini zion. Ordutik hona, horietako bakarra frogatu da: Poincaréren aierua. Lorpen hori matematikaren historian mugarri nagusietako bat da.

Poincaréren aieruak hiru dimentsioko espazioen egitura deskribatzen du, topologiaren ikuspegitik. Azalpena konplexua bada ere, funtsean espazio mota jakin batzuk identifikatzeko irizpide bat ezartzen du. 2006an, Grigori Perelman matematikari errusiarrak frogapena argitaratu zuen, baina ez zuen onartu ez milioi bat dolarreko saria, ezta hari emandako beste aintzatespen garrantzitsu batzuk ere. Haren lanak XXI. mendeko matematikaren lorpen handienetako bat ekarri zuen.

XXI. mendeko mugarri zientifikoak bideo sortak azken hamarkadetako aurkikuntza eta aurrerapen zientifiko handienak azaltzen ditu. Atal hau Órbita Laika (@orbitalaika_tve) eta EHUko Kultura Zientifikoko Katedraren arteko elkarlanaren emaitza dira.