Dozena erdi ariketa 2017ko udarako (1): Lau zifrako zenbakiaren bila

Ariketa fisikoa egitea osasungarria dela esaten digute behin eta berriro. Fisikoa bakarrik ez, buruari eragitea ere onuragarria da. Nagiak atera eta aurten ere, udako oporretan egiteko astelehenero ariketa matematiko bat izango duzu, Javier Duoandikoetxea matematikariak aukeratu ditu Zientzia Kaieran argitaratzeko. Guztira sei ariketa izango dira.

Gogoan izan ahalegina bera –bidea bilatzea– badela ariketa. Horrez gain tontorra (emaitza) lortzen baduzu, poz handiagoa. Ahalegina egin eta emaitza gurekin partekatzera gonbidatzen zaitugu. Ariketaren emaitza –eta jarraitu duzun ebazpidea, nahi baduzu– idatzi iruzkinen atalean (artikuluaren behealdean daukazu) eta irailean emaitza zuzenaren berri emango dizugu.

Hona hemen gure lehenengo ariketa: Lau zifrako zenbakiaren bila.

1) Lau zifrako zenbaki bati bere zifren batura gehituta 2017 lortzen da. Zeintzuk dira propietate hori duten zenbakiak? Zifren batura gehitu beharrean kenduz gero, bada soluziorik?

———————————————————————————-

Ariketak “Calendrier Mathématique 2017. Un défi quotidien” egutegitik hartuta daude. Astelehenetik ostiralera, egun bakoitzean ariketa bat proposatzen du egutegiak. Ostiralero CNRS blogeko Défis du Calendrier Mathématique atalean aste horretako ariketa bat aurki dezakezu.

———————————————————————————-

8 iruzkin

Eman iritzia

IñakiIñaki

Ez naiz oso trebea matematikatan, eta agian horregatik hanka sartu dut. Nik horrela planteatu dut;
(a*1000+b*100+c*10*d)+(abcd) = 2*1000+0*100+1*10*7=2017
Aukera bakarra sortu zait, a=2, b=0, c=1, d=7
Orduan (2*1000+0*100+1*10*7)+(2*0*1*7)=2017+0=2017.
Ez dut beste aukerarik ikusi. Bigarren galderari momentuz ez diot ekin, baina saiatuko naiz.
Oker banago jakin nahi dut zertan.
ila esker.

Javi DuoandikoetxeaJavi Duoandikoetxea

Zifren batura gehitu behar da, ez zifren biderkadura, egin duzun moduan. Horregatik dago txarto.

Zientzia KaieraZientzia Kaiera

Kaixo, Iñaki!
Eskerrik asko parte-hartzeagatik. Javi Duoandikoetxeak esandakoaren ostean ez zara animatzen berriz egitera? Animatu!

Milas esker!

[Buru ariketa] Xake taula osatzen • ZUZEU

[…] eta horrela egiteko asmoa du aurten ere. Abuztuan, astelehenero ariketa bat jarriko dute webgunean -jada eskegia duzue lehena-, eta irailean emango omen dituzte […]

MikelMikel

Egun on,
nik 2012 atxeman dut : 2012 + 2 + 0 + 1 + 2 = 2017
Aldiz zenbakien batura kenduz emaitza 2017 izateko manerarik ez dut atxeman, 2016 ateratzen zaut beti

Zientzia KaieraZientzia Kaiera

Eskerrik asko parte-hartzeagatik Mikel!
Laster esango digu Javi Duoandikoetxea matematikariak emaitza zuzena den edo ez.

Zure ahaleginak izango du saria!

@amorroi@amorroi

Zer moduz 1994 ? Balekoa?

Dozena erdi ariketa 2017ko udarako: erantzunak - Zientzia Kaiera

[…] Lau zifrako zenbaki bati bere zifren batura gehituta 2017 lortzen da. Zeintzuk dira propietate hori … […]

Eman iritzia

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>