Dozena erdi ariketa 2016ko udarako (2): 20 euroko billeteak

Ariketa fisikoa egitea osasungarria dela esaten digute behin eta berriro. Fisikoa bakarrik ez, buruari eragitea ere onuragarria da. Nagiak atera eta aurten ere, udako oporretan egiteko astelehenero ariketa matematiko bat izango duzu, Javier Duoandikoetxea matematikariak aukeratu ditu Zientzia Kaieran argitaratzeko. Guztira sei ariketa izango dira.

Gogoan izan ahalegina bera –bidea bilatzea– badela ariketa. Horrez gain tontorra (emaitza) lortzen baduzu, poz handiagoa. Ahalegina egin eta emaitza gurekin partekatzera gonbidatzen zaitugu. Ariketaren emaitza –eta jarraitu duzun ebazpidea, nahi baduzu– idatzi iruzkinen atalean (artikuluaren behealdean daukazu) eta irailean emaitza zuzenaren berri emango dizugu.

Hona hemen gure bigarren ariketa: 20 euroko billeteak.

money-1005465_1280

2) Mila euro ditugu 24 billetetan. Billeteak 10, 20 eta 50 eurokoak dira. Zenbat dira 20 euroko billeteak?

———————————————————————————-

Ariketak “Calendrier Mathématique 2016. Un défi quotidien” egutegitik hartuta daude. Astelehenetik ostiralera, egun bakoitzean ariketa bat proposatzen du egutegiak. Ostiralero CNRS blogeko Défis du Calendrier Mathématique atalean aste horretako ariketa bat aurki dezakezu.

———————————————————————————-

8 iruzkin

Eman iritzia

InaIna

20 euroko 10 billete dira.

MirenMiren

Kaixo!
10 euroko 10 billete = 100
20 euroko 10 billete = 200
50 euroko 4 billete = 200
Guztira, 24 billete = 500 euro

😀

Aio!

Javi DuoandikoetxeaJavi Duoandikoetxea

Ariketaren arabera 1000 euro ditugu, ez 500.

IruriIruri

Kaixo,
20ko billeteak 4 dira.

IñakiIñaki

Gure kalkuluen arabera: 50 euroko 18 billete, 20 euroko 4 eta 10ko bi dira.

MaioraMaiora

Kaixo, niri 20ko lau billete atera zaizkit.

FranFran

20 euroko 4 bilete.
———————————-
50 euroko 18 bilete=900 euro
20 eurono 4 bilete = 80 euro
10 euroko 2 bilete = 20 euro
———————————-
24 bilete — 1000 euro
———————————-
Baina ez dut inolako kalkulurik egin.

Zientzia KaieraZientzia Kaiera

Eskerrik asko erantzuna utzi diguzuen guztioi! Eskerrik asko ahalegina egiteagatik. Eta, Javi Duonadikoetxea matematikariak argitu digun bezala 20 euroko 4 billete dira: zientziakaiera.eus/2016/09/19/5045/

Eman iritzia

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>