Ezjakintasunaren kartografia #203

Dibulgazioa · Ezjakintasunaren kartografia

Disruptore endokrinoa, oreka hormonalean eragiteko gai den substantzia da bisfenol-A (BPA). Haurdunaldian zehar esposizioak diabetesaren antzeko sintomatologia eragin lezake, bai amarengan bai umearengan. NuRCaMein-en BPA and pregnancy: diabetes for you and your kids artikulua.

Gaixotasun neuroendekatazile lazgarria da adrenoleukodistrofia. Terapia genikoa baliatuta sendabidea iragarri zen pasa den urtean lehen aldiz. Terapia horren nondik-norakoak azaltzen dizkigu Pablo Raneak: Gene therapy is back: The X-ALD case.

Mundu guztiak entzun du grafenoari buruz. Gutxiago nanografenoei buruz, pluralean, hainbat molekula baitira. Metodo lehorren bidez (egoera solidoan) nanografeno egiturak lortzea oso garrantzitsua da espintronikan, elektronikan eta etorkizuneko eguzki-biltzaileetan erabiltzeko. DIPCko jendea Mechanochemistry of nanographenes artikuluan.


Mapping Ignorance bloga lanean diharduten ikertzaileek eta hainbat arlotako profesionalek lantzen dute. Zientziaren edozein arlotako ikerketen azken emaitzen berri ematen duen gunea da. UPV/EHUko Kultura Zientifikoko Katedraren eta Nazioarteko Bikaintasun Campusaren ekimena da eta bertan parte hartu nahi izanez gero, idatzi iezaguzu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude