Dozena erdi ariketa 2016ko udarako (5): Neurrien bila

Ariketa fisikoa egitea osasungarria dela esaten digute behin eta berriro. Fisikoa bakarrik ez, buruari eragitea ere onuragarria da. Nagiak atera eta aurten ere, udako oporretan egiteko astelehenero ariketa matematiko bat izango duzu, Javier Duoandikoetxea matematikariak aukeratu ditu Zientzia Kaieran argitaratzeko. Guztira sei ariketa izango dira.

Gogoan izan ahalegina bera –bidea bilatzea– badela ariketa. Horrez gain tontorra (emaitza) lortzen baduzu, poz handiagoa. Ahalegina egin eta emaitza gurekin partekatzera gonbidatzen zaitugu. Ariketaren emaitza –eta jarraitu duzun ebazpidea, nahi baduzu– idatzi iruzkinen atalean (artikuluaren behealdean daukazu) eta irailean emaitza zuzenaren berri emango dizugu.

Hona hemen gure bostgarren ariketa: Neurrien bila.

neurrien bila

5) Irudiko karratu txikiaren aldeak 16 cm ditu eta karratu handiarenak, 36 cm. Zenbat neurtzen du karratu ertaineko aldeak eta zein da goiko erpinaren altuera?

———————————————————————————-

Ariketak “Calendrier Mathématique 2016. Un défi quotidien” egutegitik hartuta daude. Astelehenetik ostiralera, egun bakoitzean ariketa bat proposatzen du egutegiak. Ostiralero CNRS blogeko Défis du Calendrier Mathématique atalean aste horretako ariketa bat aurki dezakezu.

———————————————————————————-

2 iruzkin

Eman iritzia

EnekoEneko

Nire emaitza:
– Karratu ertainaren aldea: 24
– Triangeluaren altuera: 54

Ebazpena:
Triangelu nagusia hainbat triangelu angeluzuzenetan zatitu dut. Ondoren trigonometriaz baliatuz (triangelu guztien altuera/oinarria berdina da), ekuazio batzuk atera ditut, eta hauek ebatziz, goian ipini dudan emaitza.

Zientzia KaieraZientzia Kaiera

Zorionak Eneko! Zure erantzuna zuzena da: zientziakaiera.eus/2016/09/19/5045/. Bejondeizula!

Eman iritzia

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>