Dozena erdi ariketa 2017ko udarako (2): Fitxen balio altuena

Ariketa fisikoa egitea osasungarria dela esaten digute behin eta berriro. Fisikoa bakarrik ez, buruari eragitea ere onuragarria da. Nagiak atera eta aurten ere, udako oporretan egiteko astelehenero ariketa matematiko bat izango duzu, Javier Duoandikoetxea matematikariak aukeratu ditu Zientzia Kaieran argitaratzeko. Guztira sei ariketa izango dira.

Gogoan izan ahalegina bera –bidea bilatzea– badela ariketa. Horrez gain tontorra (emaitza) lortzen baduzu, poz handiagoa. Ahalegina egin eta emaitza gurekin partekatzera gonbidatzen zaitugu. Ariketaren emaitza –eta jarraitu duzun ebazpidea, nahi baduzu– idatzi iruzkinen atalean (artikuluaren behealdean daukazu) eta irailean emaitza zuzenaren berri emango dizugu.

Hona hemen gure bigarren ariketa: Fitxen balio altuena

2) Aurpegi bakoitzean zenbaki bat idatzita duten lau fitxa ditugu. Denetara 1etik 8rainoko zenbaki guztiak daude idatzita. Fitxak behin bota eta 6, 1, 4 eta 3 zenbakiak agertu dira; bigarrenean, 1, 3, 5 eta 7; hirugarrenean, 3, 7, 2 eta 6. Zein da jaurtialdi batean agertzen diren zenbakiak batuz lor daitekeen baliorik handiena?

———————————————————————————-

Ariketak “Calendrier Mathématique 2017. Un défi quotidien” egutegitik hartuta daude. Astelehenetik ostiralera, egun bakoitzean ariketa bat proposatzen du egutegiak. Ostiralero CNRS blogeko Défis du Calendrier Mathématique atalean aste horretako ariketa bat aurki dezakezu.

———————————————————————————-

8 iruzkin

Eman iritzia

MikelMikel

Emaitza : 22 ?

AmorroiAmorroi

Nire ustez 23

Zientzia KaieraZientzia Kaiera

Eskerrik asko erantzuna emateagatik Mikel!
Irailean jakingo dugu emaitza zuzena den Javi Duoandikoetxea matematikariaren eskutik.
Baina ahalegina egiteagatik guztiok merezitako saria jasoko duzue.

Eskerrik asko!

AndoniAndoni

Nire ustez 23

Zientzia KaieraZientzia Kaiera

Mila esker Andoni parte-hartzeagatik!
Emaitza zuzena den edo ez irailean jakingo dugu.

Laster arte!

ManexManex

Niri ere 23 atera zait. 🙂

Zientzia KaieraZientzia Kaiera

Eskerrik asko erantzuna emateagatik Manex!
Irailean Javi Duoandikoetxea matematikariak esango digu zein den emaitza egokia eta orduan jakingo dugu zuzen zabiltzan.
Hala ere, ahalegina egiteagatik guztiok merezitako saria jasoko duzue.

Eskerrik asko!

Eman iritzia

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>